կարևոր
985 դիտում, 1 ամիս առաջ - 2022-06-27 19:41

Ստեփանծմինդա-Լարս ճանապարհը փակ է․ ՏԵՍԱՆՅՈՒԹ

Ստեփանծմինդա-Լարս ճանապարհը փակ է բոլոր տեսակի տրանսպորտային միջոցների համար: Պատճառը՝ հորդառատ անձրեւներից Թերեք գետի վարարումն է: Ինչի հետեւանքով փլուզում է եղել: Վնասված հատվածը մոտ 80 կմ է: Տնտեսագետ Կառլեն Խաչատրյանի խոսքով տարանցիկ այս ճանապարհը մոտ 2 շաբաթ էլ փակ կմնա ու թե՛ ներմուծման, թե՛ արատահանման տեսանկյունից խնդիրներ կառաջացնի: 
Տարերային աղետների, բնակլիմայական փոփոխությունների, կամ էլ գուցե քաղաքական նպատակահարմարությունից կախված տարանցիկ ճանապարհի փակման խնդիր միշտ առաջանում է, նշում է Խաչատրյանը: Դրա լուծման միակ պատասախանատուն ըստ տնտեսագետի կառավարությունն է, սակայն մինչ օրս նման դեպքերի համար արտահանման այլընտրանքային ճանապարհ չի մշակվել: 
Շուտ փչացող ապրանքատեսակները փլուզման պատճառով ճանապարհին երկար մնալ չեն կարող՝ անհանգստացել են մարդիկ: Գյուղացուն աջակցելու եւ ներքին շուկայում ծիրանը սպառելու համար համացանցում ֆլեշմոբ են սկսել` գնիր ծիրան, օգնիր գյուղացուն հեշթեգով: ՏնտեսագետԿառլեն Խաչատրյանը սակայն վստահ է՝ այս հարցը մարդկանց բարի կամքին թողնել չի կարելի: 
Մինչ համացանցում ակտիվ քննարկվում է, թե ինչպես կազմակերպել ծիրանի սպառումը, այդ ընթացքում մեր երկրի այցեքարտը համարվող միրգը ծառներին հասունանում է կամ բեռնատարներում փչանում: 

Մանրամասները՝ Ալիսա ՄԵլքոնյանի տեսանյութում