կարևոր
964 դիտում, 1 ամիս առաջ - 2022-06-25 16:14

Անավարտ շինությունները քաղաքում անհարմարություն են ստեղծում․ ՏԵՍԱՆՅՈՒԹ

Ժամանակին այստեղ՝ Չարենցի 70 հասցեում, գործում էին «Դինամո» մարզական ընկերության լողավազանը եւ հրաձգարանը: Այսօր այս տարածքում նույն մարզակառույցներն են՝ արդեն ավերակների վերածված: Անտարբերության ու անուշադրության մատնված կառույցը աղբանոց է դարձել: 
Սա միակ շինությունը չէ մայրաքաղաքում, որ անուշադրության է մատնված: Մհեր Մկրտչյան փողոցում այս պատը միակն է, ինչ մնացել է տասնյակ տարիներ քանդվող շինությունից: Բնակիչների հավաստմամբ կիսատ մնացած շենքերը քաղաքում անհարմարություն են ստեղծում. սկսած արտաքին տեսքից վերջացրած փոշուց: 
Քաղաքապետարանից տեղեկացնում են, որ կառուցապատողները հաճախ չեն կարողանում ավարտին հասցնել շինարարությունը ֆինանսական սղության պատճառով. երբեմն չեն օգնում անգամ վարչական տույժերը: 
Փորձագետները լուծումը տեսնում են կառավարության աշխատաոճի փոփոխության մեջ: Նրանց կարծիքով՝ այս հարցին պետք է ավելի խիստ մոտենալ՝ սահմանել հստակ ժամկետներ: 

Մանրամասները ներկայացնում է Զարուհի Սահակյանը