կարևոր
2770 դիտում, 2 ամիս առաջ - 2022-09-24 18:37

Թեւի պատռվածք, մատների կոտրվածք, սալջարդեր. զոհվածների մայրերից 5-ի մարմնին բռնության հետքերով հանցագործության մասին հաղորդում է ներկայացվել:․ ՏԵՍԱՆՅՈՒԹ

Եռաբլուրում զոհվածների ծնողների ու ուժայինների միջեւ միջադեպից միայն 3 օր անց է Հայաստանի գլխավոր դատախազությունը ոստիկանների կողմից բռնության դեպքով քրեական վարույթ նախաձեռնում, այն էլ՝ ծնողների բողոքից հետո: 
Թեւի պատռվածք, մատների կոտրվածք, սալջարդեր. մայրերից 5-ի մարմնին բռնության այս հետքերն են հիմք հանդիսացել՝ հանցագործության մասին հաղորդում ներկայացնելու:  
Բուժհաստատություններում Եռաբլուրից ոստիկանության բաժիններ տարած ծնողներից բոլորի մոտ են մարմնական բռնության հետքեր հայտնաբերել: 
Դատախազություն հաղորդում տալուց առաջ ծնողները երկար են մտածել՝ իշխանությունը բավարար կամք ու համարձակություն կունենա՝ պատասխանատվության ենթարկելու մեղավոր ոստիկաններին:  
Բերետավորների վայրագությունները նորություն չէին, ասում է զոհված Հայկազ Մկրտչյանի մայրը: Զոհվածների ծնողների հանդեպ բռնության դեպքեր էլի են եղել: Իր ամուսնուն ծեծելու դեպքն է հիշեցնում: 
Փաշինյանի առանձնատան մոտ այս տարվա հուլիսի 3-ին այ այսպես ոստիկանները բերման են ենթարկում Հայկազ Մկրտչյանի հորը՝ Զավեն Մկրտչյանին: Աջից-ձախից նրան հավածող ոստիկաններից գեթ մեկը մինչեւ օրս պատասխանատվության չի ենթարկվել: 
ՔՊ-ականները, պարզվում է, ծանր են տարել Եռաբլուրի միջադեպը, բայց ոչ թե ծնողներին բռնության ենթարկելու, այլ Փաշինյանի բերած պսակը տապալելու համար: Իշխանական վերնախավի ծաղկեպսակները կոտրելու ու դեն նետելու մասով փաստաբան Հովհաննիսյան ասում է՝ ոչ ադեկվատ մարդու հրամանով քրեական վարույթ է նախաձեռենվել: Քրեական օրենսգրքում ասում է չկա՝ ծաղկեպսակները դիտավորությամբ ոչնչացնելու համար անձի նկատմամբ քրեական գործ հարուցելու մասին հոդված: Վարույթ սկսելու հրահանգ է տրվել իշխանական օղակներից: 
Ծնողներին ոտնատակ տալով Եռաբլուր մտնելը ոչ թե հարգանքի տուրք էր, այլ անարգանք ու խայտառակություն, ասում է՝ Աննա Մկրտչյանը: 
Աննա Մկրտչյանը ընդգծում է՝ անվերջ պայքարի մեջ են լինելու, մինչեւ իրենց զավակների զոհվելու իրական մեղավորները պատժվեն: Եկող երեքշաբթի, երբ 44-օրյա պատերազմի օրը Փաշինյանը փորձի կրկին մտնել Եռաբլուր՝ մուտքի մոտ կհանդիպի զոհվածների ծնողներին. 26-ի գիշերը նրանք կրկին կլուսացնեն Եռաբլուրում՝ 27-ի առավոտյան Փաշինյանի մուտքը կանխելու համար: 

Մանրամասները ներկայացնում է Լիա Սարգսյանը