կարևոր
3961 դիտում, 1 շաբաթ առաջ - 2022-09-20 19:51

Պուտինը Երևանին ու Բաքվին զսպվածության կոչ է անում․ ՏԵՍԱՆՅՈՒԹ

Կրեմլի Մեծ պալատի Ալեքսանդրովյան սրահում, օտարերկրյա 24 նոր դեսպանների հավատարմագրերն ընդունելու արարողության ժամանակ, Վաղարշակ Հարությունյանին հասնելով՝ Վլադիմիր Պուտինը Երեւանին ու Բաքվին զսպվածության կոչ է անում: 
Պուտինը հիշեցնում է, որ հայ-ադրբեջանական սահմանին իրադրության սրացման կապակցությամբ՝ ՀԱՊԿ-ի գծով միջոցներ են ձեռնարկվում:  
Հայաստանի կառավարության փոխանցմամբ, ՀԱՊԿ գլխավոր քարտուղար Ստանիսլավ Զասի պատվիրակությունը Հայաստանում կլինի սեպտեմբերի 20-ից 25-ը: Իսկ անցյալ շաբաթ Հայաստան եկած ՀԱՊԿ մոնիտորինգային առաքելությունը, Պուտինի այս ելույթից մեկ օր առաջ, լարվածության թուլացման առաջարկներ էր ներկայացրել Հայաստանի պաշտպանության նախարարին ու վերադարձել Մոսկվա: Թե ինչ առաջարկներ, չի հաղորդվում: Հայաստանի ինքնիշխան տարածքի վրա Ադրբեջանի հարձակման ֆոնին՝ միջնորդ երկրի ղեկավարը հայտարարում է նաեւ, թե որն է, Մոսկվայի համոզմամբ, «վիճելի տարածքային խնդիրների» լուծումը: 
Վլադիմիր Պուտինը Հայաստանի անկախության տոնից մեկ օր շուտ նաեւ շնորհավորել է, իր խոսքով, եղբայրական հայ ժողովրդին եւ երկրի ղեկավարությանը՝ ասելով, որ Հայաստանը Ռուսաստանի մոտ ընկերն ու ռազմավարական դաշնակիցն է: 

Մանրամասները ներկայացնում է Մարինե Մելիքսեթյանը