կարևոր
1882 դիտում, 1 տարի առաջ - 2022-09-13 13:25

Սյունիքի մարզի Վերիշեն գյուղի խաղաղ բնակչի տունն է, որն ավերվել է այս գիշերվա ադրբեջանական թիրախային զինված հարձակման հետևանքով. Թաթոյան

Սյունիքի մարզի Վերիշեն գյուղի խաղաղ բնակչի տունն է, որն ավերվել է այս գիշերվա ադրբեջանական թիրախային զինված հարձակման հետևանքով. Թաթոյան

Հայաստանի Սյունիքի մարզի Վերիշեն գյուղի խաղաղ բնակչի տունն է, որ ավերվել է այս գիշերվա ադրբեջանական թիրախային զինված հարձակման հետևանքով, ֆեյսբուքյան իր էջում գրել է ՀՀ մարդու իրավունքների նախկին պաշտպան Արման Թաթոյանը։

«Ադրբեջանը հրթիռներով հարվածել է գյուղին, ինչպես վկայում են խաղաղ բնակիչները, գիշերը ժամը 01։20-ին` առաջին հարվածից 1 հրթիռ ուղիղ հարվածել է տանը, 2 հրթիռ ընկել է անմիջապես տան հարևանությամբ։ Հարձակման պահին բնակիչները եղել են տանը և միայն հրաշքով են փորկվել։

Տան հարևանությամբ մի քանի կիլոմետր հեռավորությամբ որևէ զորամաս կամ զինվորական հիմնարկ գոյություն չունի։

Փաստերը վկայում են, որ սա ակնհայտ պատերազմական հանցանք է, որը կատարվել է մարդկանց սպանելու և քաղաքացիական բնակավայրն ավերելու նպատակով։

Միջազգային կառույցները պարտավոր են հասցեական արձագանքել՝ կանխելու համար ադրբեջանական հանցանքներն ու ցեղասպան քաղաքականությունը», - գրել է Թաթոյանը։