կարևոր
1489 դիտում, 3 ամիս առաջ - 2022-08-29 10:20

Քրիստոնյան ո՞նց կարող է անտարբեր լինել, երբ տներ, գյուղեր են դատարկվում ու վառվում․ Բագրատ Սրբազան

Քրիստոնյան ո՞նց կարող է անտարբեր լինել, երբ տներ, գյուղեր են դատարկվում ու վառվում․ Բագրատ Սրբազան

Հայ առաքելական եկեղեցու Տավուշի թեմի առաջնորդ գերաշնորհ Բագրատ եպիսկոպոս Գալստանյանը հավատացյալներին ուղղված իր խոսքում ասել է.

«Քրիստոնյան ո՞նց կարող է անտարբեր լինել, ո՞նց կարող է խրախճանքի մեջ ապրել, երբ տներ, գյուղեր են դատարկվում ու վառվում։ Ո՞նց կարող է երգել, պարել, ցնծալ։ Ինչի՞ շուրջ։

Մի պահ պատկերացրեք, որ ճակատագրի բերումով հենց դուք լինեիք այդտեղ, և ձեր սիրելի քույրերն ու եղբայրներն այդպես վարվեին։ Ի՞նչ կասեիք։

Մենք շատ ենք տեսել ու շատ ենք տեսնելու։ Մեծ խաղաղությունը կլինի այն ժամանակ (ինչպես Ավետարանն է ասում), երբ մենք ՀԱՎԱՏԱՆՔ և ՉՎԱԽԵՆԱՆՔ, երբ մեր հավատարմությունը լինի մեր Աստծուն, մեր անցյալին, մեր գալիքին, երբ հանձնառություն լինի այս քայքայված ապագայի լուծումները գտնելու։

Մեզ ոչ ոք չի կարող ոչնչով վախեցնել, ո՛չ բռունցքով, ո՛չ աշխարհի ուժերով, ո՛չ մեծ պետություններով։

Մենք բարեկամ չունենք, ինչքան էլ թղթերի վրա գրված լինի։ Մեր ամենամեծ բարեկամը ՄԵՆՔ ենք և մեր ԱՍՏՎԱԾ»։