կարևոր
1561 դիտում, 3 ամիս առաջ - 2022-08-20 15:49

Ռուսաստանում վերջին 5 ամսում առաջին անգամ մեկ օրում հայտնաբերվել է կորոնավիրուսով վարակված ավելի քան 40 հազար մարդ

Ռուսաստանում վերջին 5 ամսում առաջին անգամ մեկ օրում հայտնաբերվել է կորոնավիրուսով վարակված ավելի քան 40 հազար մարդ

 Ռուսաստանի Դաշնությունում  մարտի 14-ից ի վեր առաջին անգամ հայտնաբերվել է օրական ավելի քան 40 հազար վարակված։ Ընդհանուր առմամբ, համավարակի սկզբից Ռուսաստանի Դաշնությունում գրանցվել է կորոնավիրուսի 19 077 764 դեպք։

ՏԱՍՍ գործակալությունը հայտնում է, որ մահացածների թիվն ավելացել է 69-ով՝ հասնելով 383 496-ի, ապաքինվածների թիվը՝ 24 222-ով՝ հասնելով 18 262 350-ի։

Ռուսաստանում մեկ օրվա ընթացքում հոսպիտալացվել է կորոնավիրուսով 3450 հիվանդ՝ նախորդ օրվա 3349-ի դիմաց։ Երկրի 42 մարզերում հոսպիտալացումների թիվն աճել է, 39-ում՝ նվազել, 4-ում՝ իրավիճակը չի փոխվել: