կարևոր
871 դիտում, 1 ամիս առաջ - 2022-08-10 16:59

Փայլուն արդյունք է, մեր տղաները կարողացան մեր երկիրը պատվով ներկայացնել․ Սերժ Սարգսյանը «Զվարթնոց»–ում դիմավորում է շախմատիստներին

Փայլուն արդյունք է, մեր տղաները կարողացան մեր երկիրը պատվով ներկայացնել․ Սերժ Սարգսյանը «Զվարթնոց»–ում դիմավորում է շախմատիստներին

Հայաստան են ժամանում Շախմատի համաշխարհային օլիմպիադայի փոխչեմպիոնները։ Նրանց դիմավորելու է գնացել նաև Շախմատի ֆեդերացիայի նախագահ, ՀՀ 3–րդ նախագահ Սերժ Սարգսյանը։

 «Փայլուն  արդյունք է, ուղղակի մի փոքր ուղղում՝ կիսեց առաջին երկրորդ տեղը, կարծում եմ, որ տղաներն իրոք շատ լավ հանդես եկան և կարողացան մեր երկիրը պատվով և արժանապատվորեն ներկայացնել այդ մեծ սպորտային միջոցառմանը»,–լրագրողների հետ զրույցում ասաց Սերժ Սարգսյանը։

Նա նաև հիշեցրեց, որ վերջին 30 տավա ընթացքում Հայաստանը շախմատային իր նվաճումներով երկրորդն է աշխահում և զիջում է միայն Ռուսաստանին, իսկ վերջին քսան տարում Հայաստանի ընտրանին առաջինն է աշխարհում․ «Սա լուրջ ձեռքբերում է»։

Դիտարկմանը, թե համացանցում գրում են, որ որտեղ իշխանությունները չկան, այնտեղ հայերը հաղթանակ են տոնում թշնամիների դեմ, ինչպես եղավ շախմատում և մեր ընտրանին հաղթեց Ադրբեջանի ընտրանուն, Սերժ Սարգսյանն ասաց, որ չի ցանկանում այս պահին խոսել այդ մասին։

Քաղաքական և Արցախին վերաբերող հարցերի Սերժ Սարգսյանը չպատասխանեց, նշելով, որ ՀՀԿ–ն մի քանի օր առաջ հայտարարություն է տարածել, որտեղ ամեն ինչ գրված էր։