կարևոր
1321 դիտում, 3 շաբաթ առաջ - 2022-07-23 20:03

Մաթևոսյան քույրերը ծայրահեղ ծանր վիճակում են․ ՏԵՍԱՆՅՈՒԹ

Կքնեմ, երբ փոքր քույրս կուշտ եւ հանգիստ լինի,- ասում է 76 ամյա Թերեզա Մաթեւոսյանը: Մոր մահից հետո նա խնամել է հաշմանդամ քրոջը, ով երեք տարով փոքր է իրենից: Քույրերը բնակվում են 16 քմ տարածքով հանրակացարանային սենյակում, ծայրահեղ ծանր պայմաններում։ 
Օսաննա Մաթեւոսյանը չի քայլում. չի ընկալում շրջապատը: Նա անընդհատ ցանկանում է ուտել եւ ուտելիքի ուշանալու դեպքում բղավում է: Քույրը ասում է՝ բազմաթիվ դիմումներ է գրել խնամքի կենտրոն տեղափոխելու համար, բայց ապարդյուն: Նշում է՝ նախկինում օգնություն, նպաստ են ստացել, հիմա որեւէ ծրագրով օգնություն չեն ստանում: Մաթեւոսյան քույրերը բազմիցս դիմել են վարչապետին, սոցապ նախարարին եւ այլ պատկան մարմինների: Ասում են՝ դրական արձագանք չկա, վիրավորական մոտեցում են ցուցաբերում։ 
Թերեզա Մաթեւոսյանը դուստր ունի, ով բնակվում է նույն հանրակացարանի մեկ այլ սենյակում: Ռուզաննա Գրիգորյանը տառապում է դարի հիվանդությամբ՝ քաղցկեղով: Նրա որդին 24 ամյա Ալիկը ծնվել է անբուժելի հիվանդությամբ: 
Անօգնական վիճակում հայտնված ընտանիքը հավատում է, որ մի օր Հայաստանում օրենքները կգործեն, ինչը կլուծի նաեւ իրենց խնդիրները: 

Մանրամասները ներկայացնում է Լուսին Ղազարյանը