կարևոր
1561 դիտում, 3 շաբաթ առաջ - 2022-07-23 19:05

«Հուսո առագաստ» միջազգային փառատոնն արդեն 7-րդ անգամ համախմբել էր հեղինակ-կատարողներին. ՏԵՍԱՆՅՈՒԹ

Խարույկի շուրջ՝ կիթառի նվագակցությամբ հնչում են միայն հեղինակային երգեր: Այս ժանրն ամենաանկեղծն են համարում հեղինակ-կատարողները: Ամենաանկեղծ ժանրի ներկայացուցիչներին արդեն 7-րդ տարին Սեւանի ափում համախմբում է «Հուսո առագաստ» հեղինակային երգի միջազգային փառատոնը: 
Վրանային ճամբար, վարպետաց դասեր, նոր ծանոթություններ, բայց նաեւ մրցույթի մասին չեն մոռանում հեղինակ-կատարողները: Փառատոնը երկու փուլով է անցնում: Նախընտրականը Երևանում էր, որի ամփոփիչ համերգի քվեարկությամբ ընտրված լավագույն տասնյակին է միայն հնարավորություն ընձեռվել արդեն Սեւանում ներկայացնել իր ստեղծագործությունները: Այստեղ մրցույթի մասնակիցների կողքին երգում են նաեւ նախորդ տարիների հաղթողներն ու փառատոնի պատվավոր հյուրերը՝ արտասահմանից ժամանած: 
Իսկ վերջում հաղթում է երգը, որում, ինչպես այս ժանրի ներկայացուցիչներն են ասում, կյանքն է՝ իր բոլոր գույներով: