կարևոր
2449 դիտում, 2 շաբաթ առաջ - 2022-07-19 20:42

Վարչախումբը պատրաստ է զիջել Արցախը․ ՏԵՍԱՆՅՈՒԹ

Արցախի Հանրապետությունում Հայաստանից զորակոչված ո՛չ ժամկետային զինծառայողներ կլինեն, ո՛չ էլ պայմանագրայիններ՝ հայտարարեց Հայաստանի անվտանգության խորհրդի քարտուղար Արմեն Գրիգորյանը: Արցախից ԱԽՔ-ին արձագանքում են՝ Հայաստանի գործող իշխանությունը արդեն ձեռքերը լվացել է հայկական երկրորդ հանրապետությունից: 
Անվտանգության խորհրդի քարտուղարի խոսքով՝ ռուս խաղաղապահներն առանցքային նշանակություն ունեն ԼՂ հայության անվտանգության երաշխավորման գործում: Արցախի խորհրդարանի պատգամավորն ընդգծում է՝ Արցախի հանրապետության հիմնական երաշխավորը Հայաստանի Հանրապետությունն է, բայց գործող իշխանությունը շտապում է վայրկյան առաջ հանձնել Արցախը: Պատգամավորի համոզմամբ՝ Ադրբեջանի քաղաքական ղեկավարությունը շարունակ սպառնում է, որովհետեւ Հայաստանի իշխանությունը հլու է նրանց պահանջներին: 
Հայաստանի Հանրապետության վերջին զինվորը Արցախից դուրս բերելու ինֆորմացիան նաեւ Ադրբեջանին են հասու դարձնում գործող իշխանությունները. սա անվտանգության սպառնալիք է համարում Արթուր Մոսիյանը:  
ԱՀ-ը շարունակում է պայմանագրային զինծառայողներ հավաքագրել սեփական տարածքից՝ անկախ նրանց հաշվառման վայրից, ասում է Արցախի խորհրդարանի պատգամավորը: Սակայն ՀՀ-ը պատասխանատվություն չի կրելու նրանց համար: 
Անկախ ամեն ինչից՝ արցախցիները շարունակելու են զորակոչվել եւ ծառայելու են Պաշտպանության բանակում: 

Մանրամասները՝ Լուսին Ղազարյանի տեսանյութում