կարևոր
1243 դիտում, 3 շաբաթ առաջ - 2022-07-19 08:15

Ուսուցչի դեմ ցուցմունք տվեց հայտնի իշխանական բլոգերը. ՏԵՍԱՆՅՈՒԹ

Պատմության ուսուցիչը, որն, ըստ նախաքննական մարմնի, համաձայն չի եղել վարչապետ Փաշինյանի քաղաքականությանն ու անցյալ տարի 7-րդ դասարանցիների ներկայությամբ, իբր, նրա ընտանիքի անդամների հանդեպ բռնության կոչեր է արել, դատարանի առջեւ է: Հակոբ Գրիգորյանի դատաքննությունը, դատավոր Մնացական Մարտիրոսյանի նախագահությամբ, շարունակվում է: Նիստի ավարտին վերջապես հարցաքննվեց ձայնագրության ներբեռնողներից Մոնթե Մախսուդյանը: Փաստաբան Ռուբեն Մելիքյանը մեջբերեց նրա համացանցային հայտարարությունը: 
Վկա Մոնթե Մախսուդյանը արձագանքեց՝ այս հայտարարությունն արել է, որովհետեւ Հայաստանի կեսից ավելին իրեն ճանաչում է:  
Պատմական գիտությունների թեկնածու, բազմավաստակ ուսուցիչ Հակոբ Գրիգորյանը վկային հարցրեց՝ ով է Ալինա Մախսուդյանը, որն իրեն համացանցում սպառնացել է: Վկան ասաց, որ իր մայրն է: 
Մախսուդյանը պահանջեց չվիրավորել իր մորը: Դատավոր Մնացական Մարտիրոսյանը կանխեց թեմայի շարունակումը. ասաց՝ վկան մորը վերաբերվող հարցերին չի պատասխանելու:  
Ուսուցչի շահերի պաշտպանը պնդեց, որ վկայի պարտականությունն է դատարան ներկայանալը եւ նա դրանով որեւէ մեկին լավություն չի անում: Դատավորը հայտարարեց. դատաքննության փուլն ավարտվեց, սկսվում է դատական վիճաբանությունների փուլը: 
Դատական հաջորդ նիստը սեպտեմբեի 12-ին է՝ ժամը 11-ին: 

Մանրամասները՝ Լուսին Ղազարյանի տեսանյութում