կարևոր
1270 դիտում, 3 շաբաթ առաջ - 2022-07-15 20:54

Դատարանում մահացել է պրոդյուսեր Արմեն Գրիգորյանը․ ՏԵՍԱՆՅՈՒԹ

Արմեն Գրիգորյանին սպանեց օրվա իշխանությունը՝ ասում է ՀՅԴ Հայաստանի ԳՄ ներկայացուցիչ Իշխան Սաղաթելյանը։ 
Գրիգորյանին կալանավորելու ՈՉ ՄԻ ՀԻՄՔ չկար, վստահ է իրավաբան, «Հայաստան» դաշինքի պատգամավոր Արամ Վարդեւանյանը: Նա պնդում է, որ պրոդյուսերի առողջական վիճակի մասին մշտապես բարձրաձայնել է նրա պաշտպան Ռուբեն Մելիքյանը, բայց դատավորներ՝ կոնկրետ անուն ազգանուններով, քննիչ ու դատախազներ՝ կոնկրետ անուն ազգանուններով անտեսել են, որովհետեւ կալանքի ՖԵՏԻՇ պետք է ապահովեն: 
Արմեն Գրիգորյանին, պատգամավորի խոսքով, այսքան օր չէին կարողացել նույնիսկ տեսակցել ՔԿՀ-ում, որովհետեւ քննիչը գտել էր, որ պետք է արգելի: ՀՀԿ փոխնախագահ Արմեն Աշոտյանը շոկ եւ անճարություն է որակել կատարվածը: 
Հայաստան խմբակցության պատգամավոր Արթուր Խաչատրյանը վերջին անգամ Արմեն Գրիգորյանին հանդիպել է քրեակատարողական հիմնարկում: 
Ռեժիսոր Ռուբեն Մխիթարյանը եւս արտահայտել է իր զայրույթը։ 
Հայաստան խմբակցության պատգամավոր Արթուր Ղազինյանը, մեդիափորձագետ Տիգրան Քոչարյանը եւս դատապարտել են տեղի ունեցածը։ 
Մարդու իրավունքների պաշտպան Քրիստինե Գրիգորյանը ֆեյսբուքով է անդրադարձել կալանավորված ընդդիմադիր գործչի մահին։ 
Արմեն Գրիգորյանը 90-ական թվականներից ժպիտ էր պարգեւում. նա ուրախների եւ հնարամիտների ակումբի հիմնադիրներից էր: 

Մանրամասները՝ Լուսին Ղազարյանի տեսանյութում