կարևոր
1705 դիտում, 4 շաբաթ առաջ - 2022-07-15 16:44

Դատարանում մարդու մահ․ սա խելագարվելու դեպք է. Արամ Վարդևանյան

Դատարանում մարդու մահ․ սա խելագարվելու դեպք է. Արամ Վարդևանյան

Արմեն Գրիգորյանին կալանավորելու ՈՉ ՄԻ ՀԻՄՔ չկար, գործ էիք հարուցել քննեիք: Այս մասին գրել է ՀՀ ԱԺ պատգամավոր, իրավաբան Արամ Վարդեւանյանը։

«Արմեն Գրիգորյանի առողջական վիճակի մասին մշտապես բարձրացրել է իր պաշտպան Ռուբեն Մելիքյանը, բայց դատավորներ կոնկրետ անուն ազգանուններով, քննիչ ու դատախազներ կոնկրետ անուն ազգանուններով անտեսել են, որովհետև կալանքի ՖԵՏԻՇ պետք է ապահովեն: Արմեն Գրիգորյանին այսքան օր չէինք կարողացել նույնիսկ տեսակցել ՔԿՀ-ում որովհետև քննիչը գտել էր որ պետք է արգելի: Պատկերացրեցիք այսքան ամիս արգելել են:

Դատարանում մարդու մահ: Սա խելագարվելու դեպք է: Այդքան ասում ենք կալանքը մի ֆետիշացրեք..: Բառեր չեմ գտնում: Չեմ պատկերացնում պատվեր իջացնողն ու կատարողների խմբակը այսքան ապօրինությունների, իրավունքը ոչնչացնելու պայմաններում ոնց են իրենց խղճի հետ մնում»..

Հիշեցնենք, որ այսօր պրոդյուսեր Արմեն Գրիգորյանը դատարանի դահլիճում ուշագնաց է եղել, ապա հայտնի է դարձել, որ նրա կյանքը փրկել չի հաջողվել։