կարևոր
880 դիտում, 3 շաբաթ առաջ - 2022-07-13 20:14

Շրի Լանկայի նախագահը փախել է Մալդիվներ. ՏԵՍԱՆՅՈՒԹ

Շրի Լանկայի նախագահ Գոտաբայա Ռաջապակսան կնոջ եւ 2 թիկնապահի հետ ռազմական ինքնաթիռով փախել է Մալդիվներ, որտեղից էլ կմեկնի Սինգապուր կամ Դուբայ՝ ապաստան ստանալու: Հրաժարականի դիմումը խոստացել է ուղարկել մինչեւ օրվա ավարտը: Նրա պարտականությունները ժամանակավորապես կկատարի վարչապետ Ռանիլ Վիկրամասինգհեն: Եվ Շրի Լանկայում, թարգմանաբար՝ պայծառ կղզում, նորից ամեն ինչ մռայլ է: 
Ամիսներ շարունակվող սոցիալ-տնտեսական ճգնաժամից հոգնած ցուցարարները պահանջում են լիակատար իշխանափոխություն: Նախագահից ազատվելուց հետո, հերթը վարչապետինն է: Հիմա էլ ներխուժել են վարչապետի գրասենյակ, այնպես, ինչպես մի քանի օր առաջ գրավել էին նախագահի նստավայրը: Իրավապահների կիրառած արցունքաբեր գազը նրանց կրկին հետ չի պահել: 
«Խելագար Ռանիլ, խելագար Գոտա», հեռացե՛ք. պատշգամբից վանկարկում են ցուցարարները: Բայց փոխարենը՝ նախագահի լիազորությունները օրենքով ստանձնած Ռանիլ Վիկրամասինգհեն երկրում արտակարգ դրություն է հայտարարում ու հրահանգում բանակին անել հնարավորը՝ երկրում կարգուկանոնը վերականգնելու համար: 
Շրի Լանկայի պաշտպանության նախարարի հանդարտվելու եւ համագործակցելու կոչերին ի պատասխան՝ ցուցարարներն ասում են՝ պայքարելու են մինչեւ վերջ:

Մանրամասները՝ Մարինե Մելիքսեթյանի տեսանյութում