կարևոր
787 դիտում, 1 ամիս առաջ - 2022-07-13 14:27

Հայ-թուրքական սահմանին ականազերծման աշխատանքներ են սկսվել

Հայ-թուրքական սահմանին ականազերծման աշխատանքներ են սկսվել

Հայաստան-Թուրքիա սահմանին ականազերծման աշխատանքներ են սկսվել, այս մասին հրապարակում է արել թուրքական «GazeteKars» լրատվական կայքը, գրում է Ermenihaber-ը:

Աղբյուրի համաձայն՝ իսրայելական մի ընկերություն հայ-թուրքական սահմանային գոտում իրականացնում է ականազերծման աշխատանքներ: Նշվում է, որ Կարսի Աքյաքա շրջանի Իբիշ գյուղի տարածքում արդեն 20 օր է, ինչ ընթանում են ականազերծման աշխատանքները։

«Օրակարգ է եկել ավտոմոբիլային և երկաթուղային ճանապարհներ ունեցող «Դողուքափը» և միայն ավտոճանապարհ ունեցող «Ալիջան» սահմանային անցակետերի բացումը»,- գրում է «GazeteKars»-ը։

Նաև նշվում է, որ վերոնշյալի մասին պաշտոնական աղբյուրներից առայժմ տեղեկատվություն չկա: