կարևոր
703 դիտում, 4 շաբաթ առաջ - 2022-07-11 20:48

44-օրյա պատերազմից հետո Քաշաթաղից տեղահանված արցախցիները բողոքի ակցիա են անում․ ՏԵՍԱՆՅՈՒԹ

Այս կինը Բերձորից է տեղահանվել: Լեւոն Մելիքյանը Բերձորի քաղաքապետարանում է աշխատել, ասում է՝ Արցախում մարդավարի ապրել են, արդեն երկրորդ տարին է՝ փողոցներն են ընկել: Հեռախոսի մեջ պահած Արցախի տունն է ցույց տալիս: 
44-օրյա պատերազմից հետո Քաշաթաղից տեղահանված արցախցիներն են, բողոքի ակցիա են անում Հայաստանում Արցախի կառավարության շտաբի դիմաց: Պահանջում են իշխանություններից՝ լուծել իրենց բնակարանների հարցը: Պնդում են՝ կառավարության հատկացրած 10 միլիոն դրամով անգամ հավաբուն չեն կարող գնել: Իշխանությունները ոչնչից աղմուկ են հանել: 
Քաշաթաղցիները պնդում են՝ Հայաստանի կառավարությունը ստում է, երբ հայտարարում է, թե Արցախից տեղահանվածների բնակարանային հարցերը լուծում են: Նրանց խոսքով՝ Կառավարության խոստացած 10 միլիոնի սերտիֆիկատը շատերը չեն ստացել, իսկ ստացողներին էլ վերջնահաշվարկի արդյունքում ավելի քիչ գումար է տրամադրվել: 
Հայաստանում Արցախի կառավարության օպերատիվ շտաբի պետ Միքայել Վիրաբյանը լսել է դրսում բարձրացված խնդիրները, հորդորել՝ գրավոր ներկայացնել Արցախի կառավարությանը: Քաշաթաղցիները պնդում են՝ Արցախի իշխանությունը ձեռքերը լվացել է այս հարցում: 

Մանրամասները ներկայացնում է Լիանա Սարգսյանը