կարևոր
736 դիտում, 1 ամիս առաջ - 2022-07-11 19:21

Մանդատները վայր դնելը Սաղաթելյանն ամենահեշտ ճանապարհն է համարում. ՏԵՍԱՆՅՈՒԹ

Բեղմնավոր աշխատանք ու հաջողություն էլ է Սաղաթելյանն ի սրտե մաղթում մանդատները վայր դրած իր ընդդիմադիր գործընկերներին: Չի էլ բացառում, որ նման դեպքեր էլի լինեն, բայց դա ամենահեշտ ճանապարհն է համարում: 
Վարչապետի տիկնոջը վարդերով դիմավորած Քաջարանի համայնքապետ Մանվել Փարամազյանի քայլի համար ափսոսում է Իշխան Սաղաթելյանը, չէ՞ որ նա ընդդիմադիր է եղել, ապօրինի ազատազրկվել է: Նման դեպքերի կրկնությունը եւս չի բացառում, բայց բացառում է, որ դրանք կարող են մեծ ազդեցություն ունենալ շարժման վրա: 
Սաղաթելյանը շարունակում է պնդել, որ ընդդիմադիրները խորհրդարան են վերադառնալու միայն իրենց օրակարգով, ինչպես, հիշեցնում է, գնացին Արցախի հարցով նիստ նախաձեռնելիս: 
Նիկոլ Փաշինյանին անվստահություն հայտնելու նախաձեռնությունն ընդդիմության ձեռքին եւս մի գործիք է համարում, որը կօգտագործեն, երբ կլինեն բավարար հիմքեր: 
Ոչ հանրահավաքային օրերին ընդդիմությունը ձեռքերը ծալած չի նստում. կազմակերպական աշխատանքներով է զբաղված. ասում է Իշխան Սաղաթելյանն ու տեղեկացնում գրեթե բոլոր մարզերում Դիմադրություն շարժումը գրասենյակներ, խորհուրդներ է ձեւավորել: 
Իսկ ընդդիմադիրներին եռամսյա վարժական հավաքներին մասնակցելու ցուցում տվող Պաշտպանության նախարարին ՀՅԴ Հայաստանի ԳՄ ներկայացուցիչը հորդորում է զբաղվել սահմանների պաշտպանությամբ:  
Պապիկյանին իր գործով զբաղվելու հորդորը Սաղաթելյանն անում է՝ հիշեցնելով, որ նրանք իշխանության են եկել խաղաղություն խոստանալով, բայց մնում են՝ պատերազմի մասին ահազանգելով: Իսկ նոր պատերազմն այս իշխանությունների օրոք Սաղաթելյանը կործանարար է համարում: 

Մանրամասները՝ Անահիտ Հովհաննիսյանի տեսանյութում