կարևոր
1744 դիտում, 4 շաբաթ առաջ - 2022-07-09 21:55

«Հայաստանը չեմ փոխի Ամերիկայի հետ». ՏԵՍԱՆՅՈՒԹ

Ռաջն արդեն չի պատկերացնում իր կյանքն ուրիշ երկրում: Ասում է Հայաստանում ամեն ինչ այլ է՝ ինքն իրեն շատ ապահով է զգում: 38 տարեկան էր, երբ Հնդկաստանից եկավ Հայաստան: 4 տարիների ընթացքում հասցրել է ընտանիք կազմել հայ աղջկա հետ: Ավելին բացել իր ավտոլվացման կետը, եւ սիրով սպասարկում է մարդկանց: Անգամ ունի իր մշտական հաճախորդները: Հայաստան էր եկել ընկերոջ հետ, բայց սերը եւ ստացած ջերմությունը հանգեցրեց Հայաստանում ապրելու կարեւոր որոշմանը: Ռաջին հատկապես զարմացրել է հայերի սրտացավությունը: Կատակում է՝ սովորել է հայերեն, որ հասկանա իր երեխաներին: 
Սակայն բոլորը Ռաջի պես չեն: Գործատուների հանրապետական միության նախագահ Գագիկ Մակարյանը նշեց, որ հնդիկների համար Հայաստանը հարմար վայր է աշխատանք գտնելու համար, որովհետեւ նրանց երկրում, հատկապես գյուղերում, ստանում են ամսական 20-30 դոլար աշխատավարձ, այն էլ՝ եթե այդ աշխատանքը կա: Հայաստանում հնարավորություն ունեն 15 անգամ ավելին վաստակելու: Նախորդ տարվա տվյալով՝ միայն աշխատանք գտնելու նպատակով Հայաստան են եկել ավելի քան 3000 հնդիկներ: Նրանք հաճախ խմբերով են ապրում, որպեսզի էժան լինի եւ աշխատում են այն ոլորտներում, որտեղ հայերը նախընտրում են չաշխատել: Ռաջն ինքն է պատմում, որ Հնդկաստանի իր շատ ընկերներ գալիս են այստեղ միայն գումար վաստակելու համար, եւ Հայաստանում մնալու իր առաջարկներն այնքան էլ չեն գրավում: Շատերին է խորհուրդ տվել մնալ Հայաստանում: 

Մանրամասները ներկայացնում է Զարուհի Սահակյանը