կարևոր
1252 դիտում, 1 ամիս առաջ - 2022-07-09 17:29

Շրի Լանկայի խորհրդարանի խոսնակը կդառնա երկրի նոր նախագահը

Շրի Լանկայի խորհրդարանի խոսնակը կդառնա երկրի նոր նախագահը

Շրի Լանկայի խորհրդարանի խոսնակ Մահինդա Յպա Աբեյվարդենան կդառնա երկրի նոր ղեկավարը։ Այս մասին,  Newswire փոխանցմամբ, հայտնել է «Շրի Լանկայի մուսուլմանների կոնգրես» կուսակցության ղեկավար Ռաուֆ Հակիմը։

Նրա խոսքով,բողոքի ակցիաներից ու ցուցարարների կողմից նախագահական նստավայրը գրավելուց հետո, խորհրդարանի արտահերթ նիստ է հրավիրվել, և  քաղաքական կուսակցությունները պահանջել են երկրի նախագահի և վարչապետի հրաժարականը։

Ըստ Ռաուֆ Հակիմի՝ նախագահի և վարչապետի հրաժարականների հարցում կոնսեսուսի չեն հասել, քանի որ վարչապետ Ռանիլ Վիկրեմեսինգհենը չի համաձայնել կատարել պահանջը։

Սակայն  նախագահին ու վարչապետին, մի շարք քաղաքական կուսակցությունների ղեկավարների անունից, հրաժարականի պահանջով նամակ է ուղարկել խորհրդարանի խոսնակը։

Ավելի վաղ հայտնել էինք, որ Շրի Լանկայում հուլիսի 8-ից տնտեսական ճգնաժամի պատճառով սկսված բողոքի զանգվածային ցույցերը նոր թափ են ստացել, ցուցարարները գրավել են երկրի նախագահի նստավայրը Կոլոմբո քաղաքում: Մինչ այդ նախագահ Գոդաբայա Ռաջապաքսը հասցրել էր հեռանալ նստավայրի տարածքից: