Փոխարժեքի տատանում, Լարսում խնդիրներ․ ՏԵՍԱՆՅՈՒԹ

Դավիթը «Մաունթի» լեռնային խոտաբույսերից թեյեր արտահանող ընկերության հիմնադիրն է: Վերջին ամիսներին նշում է՝ ոչ միայն ինքը, այլեւ հայ գրեթե բոլոր արտահանողները բազմաթիվ խնդիրների են բախվել: Դրանցից մեկը դոլարի էժանացումն է: Նրա խոսքով՝ թեեւ այդ մասին բարձրաձայնվում է, սակայն կառավարությունը դեռեւս միայն քննարկում է իրավիճակը: 
Այն տպավորությունը, որ արտահանողների համար դրամն ինչքան թույլ լինի այդքան լավ, սխալ է,- ասում է Նարեկ Ալեքսանյանն ու շարունակում, ուղղակի, պետք են խաղի հստակ կանոններ յուրաքանչյուր բիզնես ծրագրելու համար: 
Փոխարժեքի տատանմանը գումարվեցին՝ Ստեփանծմինդա-Լարս ավտոճանապարհի խնդիրները: Լարսի հարցը կա, եւ այնքան ժամանակ է լինելու, քանի դեռ միակ ճանապարհն է: Հետեւաբար, Նարեկ Ալեքսանյանի խոսքով՝ թե՛ գործարարների քանակի աճի, թե՛ հնարավորությունների աճի դեպքում խնդիրն աստիճանաբար արդիականանալու է՝ սահմանափակ թողունակության հետեւանքով: 
Գործարարն առաջարկում է ավիաբեռնափոխադրման տարբերակը: 
Փորձագետը շեշտում է՝ կան պետական մարմիններ, որոնք հենց նրա համար են, որ լինեն թե՛ գյուղացու կողքին, թե՛ գործարարի եւ թե՛ արտահանողի: 
Գլխավոր դրամատունը դեմ է դրամն արհեստականորեն արժեզրկելուն` համարելով, որ այն կհանգեցնի գնաճի նոր ալիքի: 

Մանրամասները՝ Ալինա Սիմոնյանի տեսանյութում