Հուլիսի 1-ից արգելվել է հացահատիկի արտահանումն Արցախից․ ՏԵՍԱՆՅՈՒԹ

Հուլիսի 1-ից արգելվել է հացահատիկի արտահանումն Արցախից: Ավելին՝ ոչ միայն ցորենի ու գարու, այլ նաեւ դրանց սերմացուների արտահանումը: 
Արցախի գյուղատնտեսության նախարարությունից հայտնում են, որ նախկինում տարեկան հավաքում էին 80-ից 150.000 տոննա ցորեն: Այն hայկական երկու հանրապետությունների ընդհանուր պահանջարկի մոտ 25 տոկոսն է: Հիմա, երբ ցորենի դաշտերի մեծ մասը 44-օրյա պատերազմից հետո անցել է Ադրբեջանի վերահսկողության տակ՝ հացահատիկը միայն Արցախին է բավարարելու՝ ասում է պատգամավորը: 
Գյուղատնտեսության նախկին փոխնախարարն այս որոշումը կարեւոր քայլ է համարում, որովհետեւ, ասում է՝ Արցախում կան անվտանգության ու հաղորդակցության ուղիների խնդիրներ, ուստի հացահատիկի յուրաքանչյուր կիլոգրամն ունի մեծ նշանակություն: 
Հարությունյանի համոզմամբ՝ Հայաստանի իշխանությունները պետք է չքնեն ու գիշեր-ցերեկ մտածեն, թե ինչպիսի առաջնահերթ տարբերակներ կարելի է գտնել արցախցիներին օժանդակելու համար: 
Հացահատիկի հիմնական մասը Հայաստանը ներկրում Է Ռուսաստանից: Արթուր Խաչատրյանի կարծիքով՝ այն, որ հիմա Ռուսաստանը հնարավոր է արգելի կամ նվազեցնի արտահանումը մեր երկիր՝ քիչ հավանական է, բայց չի բացառում, ու հիշեցնում է՝ Լարսի խնդիրը: 
Մեր հարեւան Վրաստանը նույնպես՝ հուլիսի 4-ից մեկ տարով ցորենի եւ գարու արտահանումն արգելելու որոշում է կայացրել: Արթուր Խաչատրյանը այստեղ քաղաքական խնդիր չի տեսնում: Ասում է՝ դա ընդամենը սեփական շուկան պաշտպանելու հարց է: Հիշեցնում է՝ նախորդ տարի հենց ինքն է առաջարկել արգելել Հայաստանից կարտոֆիլի արտահանումը, որը չարվեց, եւ քանի որ շատ ցածր էր բերքատվությունը, ունեցանք այդքան բարձր գին: 
Պետք է ավելացնել ցորենի ցանքատարածքները պետական օժանդակությամբ, վստահեցնում է Հարությունյանը, ինչն այս պահին, նրա խոսքով, բացառապես չի արվում: 
Հայաստանում հացահատիկի ցանքատարածությունները 20 տոկոսով են նվազել: Մշակվող տարածքների բերքատվությունը նվազել է 40 տոկոսով:

Մանրամասները՝ Ալինա Սիմոնյանի տեսանյութում