կարևոր
1114 դիտում, 1 ամիս առաջ - 2022-07-04 14:08

ԲԴԽ նախագահի պաշտոնակատար կլինի Վարդազարյանի և Ջհանգիրյանի ձայնագրության մասնակիցը

ԲԴԽ նախագահի պաշտոնակատար կլինի Վարդազարյանի և Ջհանգիրյանի ձայնագրության մասնակիցը

ԲԴԽ կասեցված լիազորություններով նախագահ Ռուբեն Վարդազարյանի լիազորությունների՝ էական կարգապահական հիմքով դադարեցումից և ԲԴԽ նախագահի ժամանակավոր պաշտոնակատար Գագիկ Ջհանգիրյանի հրաժարականից հետո այսօր ԲԴԽ-ն նախագահ էր ընտրում:

Թեև որպես հրաժարականի պատճառ՝ ԲԴԽ-ն նշել էր առողջական խնդիրները, սակայն ակնհայտ է, որ Գագիկ Ջհանգիրյանին ստիպեցին հրաժարականի դիմում ներկայացնել Ռուբեն Վարդազարյանի հրապարակած սկանդալային ձայնագրությունից հետո:

Բարձրագույն դատական խորհուրդն այսօր պետք է Խորհրդի նոր նախագահ ընտրեր։ Սակայն քվեարկության արդյունքներից պարզ է դարձել, որ Հակակոռուպցիոն կոմիտեի նախագահ Սասուն Խաչատրյանի եղբայրը՝ Դավիթ Խաչատուրյանը չիւ ստացել բավարար ձայներ:

ԲԴԽ նախագահի պարտականությունները կկատարի տարիքով ավագը՝ Ստեփան Միքայելյանը:

Հիշեցնենք, որ Ստեփան Միքայելյանը ներկա է եղել Ռուբեն Վարդազարյանի ու Գագիկ Ջհանգիրյանի հանդիպմանը, որի ժամանակ էլ արվել է ձայնագրությունը: