Զբաղմունք, փոխադրամիջոց թե պատուհաս․ ՏԵՍԱՆՅՈՒԹ

Մոտավորապես հենց այսպես են վրաերթի ենթարկվում էլեկտրական ինքնագլորներից: Վերջին երեք ամսում քառասուն մարդ է տեղափոխվել համալսարանական թիվ մեկ հիվանդանոց: Բժշկական համալսարանի ռեկտոր Արմեն Մուրադյանի կարծիքով միգուցե ինքնագլորները էկոլոգիապես մաքուր, հարմար եւ մատչելի փոխադրամիջոց են եւ արագ շրջանցում են խցանումները, բայց անտեսում են հնարավոր վտանգները: 
Ինքնագլորները երթեւեկում են ճանապարհներով, հաճախ էլ դուրս գալիս հանդիպակաց գոտի: Որոշները երթեւեկում են մայթերով՝ զգուշացնող ազդանշաններ տալիս: Եղել են դեպքեր, երբ ինքնագլորի վրա երկու-երեք մարդ է եղել, այդ պատճառով կորցրել է կառավարումը եւ հարվածել կայանված կամ երթեւեկող ավտոմեքենայի: Խախտումները սահմանող կանոններ դեռեւս չկան: 
Ինքնագլորները հիմնականում զբաղմունք են՝ ժամանակն ավելի հետաքրքրի անցկացնելու համար: 
Ինքնագլորների միջադեպերի պատճառով հիվանդանոցներ տեղափոխված մարդկանց վիճակագրական պատկերը փաստում է, որ վտանգված են թե՛ անցորդները, թե՛ վարորդները եւ թե այն մարդիկ, ովքեր օգտվում են տեղաշարժման այս միջոցից: 

Մանրամասները ներկայացնում է Զարուհի Սահակյանը