Իմիտացիա է ստեղծվում, որ սահմանը կարող է բացվել. թուրքագետ․ ՏԵՍԱՆՅՈՒԹ

Հայ-թուրքական ցամաքային սահմանը կկարողանան հատել Հայաստան ու Թուրքիա այցելող երրորդ երկրների քաղաքացիները: Հայաստանի ու Թուրքիայի կողմից բանակցող Ռուբինյանն ու Քըլըչն են իրենց հերթական՝ չորրորդ, հանդիպման ժամանակ որոշել աշխատել այս ուղղությամբ: 
Վիեննայի հանդիպման ժամանակ հատուկ ներկայացուցիչները պայմանավորվել են ամենասեղմ ժամկետում մեկնարկել Հայաստան-Թուրքիա օդային ուղիղ բեռնափոխադրումները: Արեւելագետ Ռուբեն Սաֆրաստյանը չի բացառում, որ սա նույնպես կարող է միայն երրորդ երկրների տնտեսվարողների համար լինել: 
Թուրքագետ Ռուբեն Մելքոնյանը վստահ է, որ այս երկու քայլերն էլ իմիտացիա են՝ իբր բանակցություններում առաջընթաց կա: Բանագնացների հերթական հանդիպմանն ընդառաջ, սակայն, Հայաստանի իշխանություներն էլ առանձնապես տպավորված չէին խոսում գործընթացի մասին: 
Որ կարգավորման գործընթացում առանձնապես մեծ առաջընթաց չկա, թուրք գործընկերոջ հետ հանդիպումից առաջ խոստովանեց նաեւ Ռուբինյանը: Նա Փաշինյանից պակաս լավատես էր այս հարցում: 
Քըլըչի հետ արդեն չորրորդ անգամ սեղանի շուրջ նստող Ռուբինյանն ինքն էլ չգիտի՝ շոշափելի արդյունքներ կլինե՞ն, թե՞ ոչ: Հայաստանն ու Թուրքիան պաշտոնական հայտարարությունների մակարդակով շարունակում են պնդել, որ բանակցում են առանց նախապայմանների: Մասնագետները Թուրքիայի դեպքում սա մեծ սուտ են համարում: 

Մանրամասները՝ Անահիտ Հովհաննիսյանի տեսանյութում