կարևոր
1483 դիտում, 1 ամիս առաջ - 2022-07-01 21:57

Շուշիի մատույցներում զոհված երկու եղբայրների մայրը երրորդ արու զավակն է ունեցել․ ՏԵՍԱՆՅՈՒԹ

Արենը Գեւորգյանների տան հույսն է, լույսը եւ ապագան: 3 կգ 30 գրամ քաշով եւ 50 սմ հասակով փոքրիկին գրկելիս տիկին Արեւիկի ձեռքերը դողում են, բայց ոչ անփորձությունից: Նրա որդիները՝ Գեւորգն ու Կարենն անմահացել են 2020-ի նոյեմբերի 8-ին, Շուշիի մատույցներում: 
Արեւիկն ու ամուսինը որոշել են՝ նորածնին ավագ եղբայրներից ոչ մեկի անունով չկոչել: Գեւորգի ու Կարենի հետ կապված շատ երազանքներ ունեին, որոնք այդպես էլ կիսատ մնացին, իսկ Արենի ապագան ոչ մի բանի հետ չեն կապում. ժամանակն ամեն ինչ կորոշի: 
Արմավիրի մարզի Խանջյան գյուղում Տիկին Արեւիկին ու Արենին սպասում են ծանոթ-անծանոթները: Բայց ամենից անհամբերը 3-ամյա թոռնիկն է: Երկար ժամանակ տիկին Արեւիկը խուսափում էր նորից մայրանալու մտքից. մտածում էր՝ այդ որոշումը կնեղացնի տղաներին: Համաձայնել է միայն Գեւորգին երազում տեսնելուց հետո: 
Ծննդատան տնօրենի խոսքով հերոս են ոչ միայն Արենի եղբայրները, այլեւ ծնողները: 
Արենին ուղղված բարեմաղթանքներից առաջինը՝ խաղաղությունն է, իսկ մինչ այդ փոքրիկը խաղաղվում է մոր գրկում, ով լավ գիտի այդ բառի արժեքը: 

Մանրամասները ներկայացնում է Ալիսա Մելքոնյանը