կարևոր
847 դիտում, 1 ամիս առաջ - 2022-07-01 12:51

ՔՊ-ն պաշտոնանկ արեց Իշխան Սաղաթելյանին և Վահե Հակոբյանին

ՔՊ-ն պաշտոնանկ արեց Իշխան Սաղաթելյանին և Վահե Հակոբյանին

«Քաղաքացիական պայմանագիր» խմբակցությունը պաշտոնանկ արեց ԱԺ փոխնախագահ Իշխան Սաղաթելյանին և ԱԺ տնտեսական հարցերի մշտական հանձնաժողովի նախագահ Վահե Հակոբյանին:

Իշխան Սաղաթելյանին և Վահե Հակոբյանին պաշտոնից հետ կանչելուն կողմ է քվեարկել 66 ՔՊ-ական պատգամավոր։

Իշխան Սաղաթելյանին պաշտոնից հեռացնելու վերաբերյալ ԱԺ որոշման հիմնավորման մեջ նշվում է, որ Իշխան Սաղաթելյանը այս տարվա հունվարի 17-ից մինչև հունիսի 29-ը ներառյալ ունեցել է թվով 198 բացակա: ԱԺ խորհուրդը ձևավորման պահից գումարել է թվով 25 նիստ, սակայն Իշխան Սաղաթելյանը ներկա է եղել միայն 7-ին:

Ինչ վերաբերում է Վահե Հակոբյանին, ապա ՔՊ-ի ներկայացրած հիմնավորման մեջ ասվում է, որ Վահե Հակոբյանը ԱԺ առաջին օրացուցային կիսամյակի ընդհանուր 342 քվեարկություններից չի մասնակցել 194-ին: ԱԺ խորհրդի 25 նիստերից բացակայել է 20 անգամ: