կարևոր
679 դիտում, 1 ամիս առաջ - 2022-06-30 20:52

Պատերազմ Ուկրաինայում․ օր 127․ ՏԵՍԱՆՅՈՒԹ

144-ը 144-ի դիմաց. սա գերիների ամենախոշոր փոխանակումն է ռուս-ուկրաինական պատերազմի մեկնարկից ի վեր: 
«Բարի կամքի դրսեւորում» անվան տակ Մոսկվան այլ ուշագրավ որոշում է ընդունել, որով թերեւս ավարտվում է Ուկրաինայի ծովային բլոկադան: Ռուսական կայազորը դուրս է եկել սեւծովյան Զմեինի կղզուց, որը դեռ պատերազմի սկզբում ռուսների վերահսկողության տակ էր անցել ու, ամեն դեպքում, ռազմավարական նշանակություն ուներ: 
Ռուսաստանի պաշտպանության նախարարությունը պնդում է, որ այդպիսով Կիեւը չի կարողանա շահարկել սպասվող պարենային ճգնաժամի թեման, միջազգային հանրությունն էլ կտեսնի՝ Ռուսաստանը չի խոչընդոտում ՄԱԿ-ի` Ուկրաինայի տարածքից գյուղմթերքի արտահանման մարդասիրական միջանցք կազմակերպելու ջանքերը: Մինչդեռ, Ուկրաինայի իշխանությունները կղզին իրենց ուժերի վերահսկողությանը հանձնելը որպես սեփական հաղթանակ են ներկայացնում ու պնդում՝ ռուսական ուժերը պարզապես չեն դիմացել իրենց հրետանային, հրթիռային ու օդային հարվածներին: 
Կիեւի տոնական տրամադրությունը, սակայն, փչացրել է Դամասկոսը: Ռուսաստանից հետո ՄԱԿ-ի երկրորդ անդամ երկիրը՝ Սիրիան է ճանաչել Դոնեցկի եւ Լուգանսկի ինքնահռչակ հանրապետությունների անկախությունը: 
Զելենսկին տեղի ունեցածն այսպես է մեկնաբանում՝ Մոսկվային, ամեն դեպքում, հաջողվեց Դամասկոսից կորզել այդ որոշումը: 

Մանրամասները ներկայացնում է Անահիտ Իվանյանը