ուղիղ եթեր փակել
Այս պահին Երևանում
+37°
ощущаетվя как +36°C
բաց երկինք
3 մ/վ քամու ուժգնություն
արևածագ: 06:13
15.08.2022
USD 406.19 +0.28
GBP 490.96 -1.29
EUR 414.31 -3.25
GEL 144.29 -3.31
RUB 6.6 -0.06

Վերջին ավելացված հաղորդումներ

Ամենադիտվածներ

կարևոր
550 դիտում, 1 ամիս առաջ - 2022-06-29 10:56

Պատերազմ Ուկրաինայում. օր 125․ ՏԵՍԱՆՅՈՒԹ

Աջակցել Ուկրաինային Ռուսաստանի դեմ պատերազմում այնքան, որքան պետք է. սա են խոստացել Կիեւին «Մեծ յոթնյակի»՝ ԱՄՆ-ի, Մեծ Բրիտանիայի, Ֆրանսիայի, Գերմանիայի, Իտալիայի, Կանադայի եւ Ճապոնիայի առաջնորդները: Զենք էլի կուղարկեն, պատժամիջոցներն էլ կպահպանեն ու դեռ կավելացնեն: Համենայն դեպս, գագաթնաժողովին հայտարարել են միայն Ռուսաստանից ոսկու ներկրման արգելքի մասին: Ինչպես հյուրընկալ երկրի՝ Գերմանիայի կանցլեր Օլաֆ Շոլցն է բառացիորեն ասել, կշարունակեն հետեւել ու «բարձրացնել այս պատերազմի տնտեսական ու քաղաքական գինը»: 
Այս ուղերձը դեռ չէր հասել նախագահ Վլադիմիր Զելենսկուն, երբ, ուկրաինական կողմի պնդմամբ, հրթիռային հարձակման ենթարկվեց Կրեմենչուգի առեւտրի կենտրոնը: Այդտեղ դեպքի պահին, Կիեւի վստահեցմամբ, մինչեւ 1000 մարդ է եղել: Պաշտոնական տվյալներով՝ զոհվել է 18 մարդ, կան վիրավորներ: Ավելի քան 3 տասնյակ մարդ անհետ կորած է համարվում: Ուկրաինայի իշխանությունները հարձակման համար մեղադրում են ռուսական զորքերին, իսկ Մոսկվան տեղի ունեցածն անվանել է «Բուչայի ոճի սադրանք»: Ահա թե ինչպես է մեկնաբանել կատարվածը Ռուսաստանի պաշտպանության նախարարության պաշտոնական ներկայացուցիչը վերջին ճեպազրույցում: 
Ինչեւէ, Զելենսկին Ռուսաստանին «աշխարհի ամենամեծ ահաբեկչական կազմակերպություն» է որակել, «Մեծ յոթնյակի» առաջնորդներն էլ խոստացել են՝ Վլադիմիր Պուտինը պատասխանատվության կենթարկվի «պատերազմի հանցագործությունների» համար: Խոստումներ տալուց ու պայմանավորվածություններ ձեռք բերելուց հետո համաշխարհային առաջնորդները մեկնել են Մադրիդ, որտեղ էլ նրանց սպասում է ՆԱՏՕ-ի գագաթնաժողովը: Թե ինչ են այդտեղ հաստատելու, Հյուսիսատլանտյան դաշինքի ղեկավարն արդեն անոնսել է. ՆԱՏՕ-ն ուզում է ավելացնել իր արագ արձագանքման ուժերում ընդգրկված զինվորականների թիվը՝ 40,000-ից հասցնելով ավելի քան 300 հազարի: 

Մանրամասները՝ Անահիտ Իվանյանի տեսանյութում

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS