կարևոր
520 դիտում, 1 ամիս առաջ - 2022-06-27 20:14

Նոր խոշորացումներ կիրականացվեն սեպտեմբերի 25-ի ընտրություններում․ ՏԵՍԱՆՅՈՒԹ

Ընդամենը օրեր առաջ ընդունվեց համայնքները եւս մեկ անգամ խոշորացնելու օրենքի նախագիծը, որն ըստ իշխանության կհեշտացնի համայնքների կառավարումը, իսկ ընդդիմադիր պատգամավորների պնդմամբ՝ ճիշտ հակառակը. սա նոր միջոց է կիրառելու իրենց լծակները այն համայնքներում, որտեղ ձայների մեծամասնությունն իրենցը չէ: 
Նոր խոշորացումներ կիրականացնեն սեպտեմբերի 25-ի ընտրություններում: Համայնքների միավորման դեպքում Թալին խոշորացված համայնքի բնակչությունը կկազմի 37,6 հազար մարդ, Ճամբարակինը` 15 հազար, խոշորացված Ալավերդի համայնքինը` 42, Տաշիրինը` 28, իսկ Սիսիան խոշորացված համայնքինը՝ մոտ 31,5 հազար մարդ: Արմինե Կյուրեղյանը վստահ է, որ սա ճնշում գործադրելու միջոց է: Պատգամավորի համոզմամբ՝ ընտրություններին մասնակցող որոշակի խումբ դուրս է մնում քվեարկությունից: 
Արդեն հայտնի է, թե ովքեր են գլխավորելու իշխող Քաղաքացիական պայմանագրի համամասնական ցուցակները մի շարք խոշորացված համայնքներում, այդ թվում՝ Ալավերդիում, Բերդում, Թալինում, Չարենցավանում, Տաշիրում, Քաջարանում սպասվող տեղական ինքնակառավարման մարմինների ընտրություններում: Ընդդիմադիրներից՝ Դաշնակցությունը մասնակցելու է ՏԻՄ ընտրություններին՝ հաստատեց Արմենուհի Կյուրեղյանը. այս պահին քննարկում են՝ որտեղ առանձին, որտեղ՝ դաշինքով. ցուցակների առաջին համարները դեռ հստակ չեն: 

Մանրամասները ներկայացնում է Զարուհի Սահակյանը