կարևոր
1522 դիտում, 1 ամիս առաջ - 2022-06-24 20:38

25-ամյա Արտյոմի մահվան մեղավորները ազատության մեջ են․ ՏԵՍԱՆՅՈՒԹ

Յոթ տարի առաջ սեփական տանը դաժանաբար սպանված 25-ամյա Արտյոմ Ադալանյանի սպանության համար մեղադրվող միակ ամբաստանյալը կմնա ազատության մեջ. այս որոշումը կայացրել է Վերաքննիչ քրեական դատարանի դատավոր Մնացական Հարությունյանը: 
Սպանվածի մայրը՝ Ռուզաննա Ադալանյանը, որոշումից առաջ կասկածի տակ առավ դատավորի անաչառությունը, քանի որ դատախազը եւ փաստաբանը դատարանի բակում խոսել էին գործի հնարավոր ավարտի մասին եւ ինքը դա ձայնագրել էր: Ռուզաննա Ադալանյանը ձայնագրությունը ներկայացրել է իրավապահներին: Նա ասում է՝ արդարադատական համակարգը չի գործում: 
Փաստերը բացահայտ են, բայց հաշվի չեն առնում: Ռուզաննա Ադալանյանը վստահ է, որ որդու սպանությունը խմբակային է. դեպքի վայրում 10-ից ավելի տղամարդ է եղել, որոնց վերնազգեստները մնացել են իրենց տանը: Ազատության մեջ է նաեւ Կոպչիկ մականունով Հովհաննես Թոփչյանը. նա յոթ տարի չի ներկայացել դատարան եւ միայն վերջերս է հարցաքննվել, այն էլ վկայի կարգավիճակով՝ չնայած որ նրա հագուստի մանրաթելերը սպանության օրը հայտնաբերվել են Արտյոմի հագուստի վրա: 
Ռուզաննա Ադալանյանը կշարունակի պայքարը: Նա վստահ է, որ մի օր փոփոխության ականատեսը կդառնանք: 

Մանրամասները ներկայացնում է Լուսին Ղազարյանը