կարևոր
706 դիտում, 1 շաբաթ առաջ - 2022-06-22 23:31

Կալանավորված դաշնակցականներն ազատ արձակվեցին․ ՏԵՍԱՆՅՈՒԹ

Հավաքին մասնակցելու նպատակով քաղաքացիներին նյութապես շահագրգռելու համար մեղադրվող դաշնակցականներ Արամայիս Մխիթարյանը եւ Ալեքսան Ալեքսանյանը կլինեն ազատության մեջ: Դատարանը 2-ական միլիոն դրամ գրավի դիմաց փոխեց նրանց խափանման միջոց կալանքը: 
Քրեական գործի հիմքում մերձիշխանական «ՄԵԴԻԱՆՅՈՒԶ» կայքում հայտնված ձայնագրությունն էր՝ «ՀՅԴ-ականները հանրահավաքներին մարդ բերելու համար փող են բաժանում» վերտառությամբ: Փաստաբանի պնդմամբ՝ գործն անհիմն է, նախաքննությունն ընթացել է քրեադատավարական օրենսգրքի բոլոր նորմերի ոտնահարմամբ: 
Քրեական գործը հարուցված է ընդդիմության հավաքներին մասնակցելու նպատակով քաղաքացիներին նյութապես շահագրգռելու դեպքի առթիվ: Ըստ Քննչական կոմիտեի հաղորդագրության՝ գործով անցնողներից Ալեքսան Ալեքսանյանը մեղադրվում է նաեւ ապօրինի հրազեն պահելու համար: 
Ոչ միայն կալանքը, այլեւ նույնիսկ 2 միլիոն դրամ գրավն է փաստաբանը կոնկրետ այս գործով համարում խիստ լուծում: Պնդում է՝ բացակայում են հիմքերը խափանման որեւէ միջոց կիրառելու համար:

Մանրամասները ներկայացնում են Անահիտ Հովհաննիսյանն ու Լիանա Սարգսյանը