կարևոր
469 դիտում, 4 օր առաջ - 2022-06-21 21:14

Նախատեսվում են փոփոխություններ «Տեսալսողական մեդիայի օրենք»-ում․ ՏԵՍԱՆՅՈՒԹ

Հեռուստաընկերությունների ղեկավարները «տեսալսողական մեդիայի օրենքի» փոփոխություններում իրենց աշխատանքին բովանդակային միջամտության վտանգ են տեսնում: 
2020-ին մանրամասն քննարկված, ԱԺ-ում հավանության արժանացած օրենքը ընդունումից 2 տարի անց կրկին քննարկման սեղանին է: Փոփոխությունների փաթեթը նախաձեռնել է Բարձր Տեխնոլոգիական Արդյունաբերության նախարարությունը: 
Փոփոխվելիք օրենքը պարտավորեցնում է, որ հանրային հնչեղություն ունեցող քննարկումներում անպայման ներկայացվեն նաեւ հակառակ տեսակետներ: Դրանք պետք է լինեն միեւնույն հաղորդման շրջանակում: Մասնագետներն ասում են այս պնդումը օրենքով ամրագրվելու անհրաժեշտություն չուներ: 
Ընդդիմադիր ուղղվածությամբ որոշ հեռուստաընկերությունների տնօրեններ անիրատեսական են համարում այս մոտեցումը. պարզ պատճառով՝ իշխանականները կտրականապես մերժում են իրենց հարցազրույց տալ, կամ քննարկումների մասնակցել՝ ինչպե՞ս պետք է ապահովեն հակառակ տեսակետը: 
Օրենքի կետերից մեկն էլ հաղորդավարներին պարտավորեցնում է նշել հանրային հետաքրքրություն ներկայացնող անձի քաղաքական կողմնորոշումը: Խոսքի ազատության պաշտպանության կոմիտեի նախագահ Աշոտ Մելիքյանի խոսքով՝ ճիշտ է, որ մասնագետը կուսակցական լինելու պարագայում չներկայանա, որպես անկախ հայացքների կրող: ՀՌՀ նախագահն էլ դեռ 1994թ-ից էր պնդում, որ նույն գլխում բազմակարծությունը բերում է երկփեղկվածության ու շիզոֆրենիայի: 
Հասարակական կազմակերպությունների համոզմամբ այս փոփոխությունը վերահսկող մարմինը կվերածի գրաքննող մարմնի: 

Մանրամասները ներկայացնում է Անի Նահապետյանը