կարևոր
544 դիտում, 1 շաբաթ առաջ - 2022-06-21 16:11

Հայաստանում ներդրումներ չեն լինի, քանի դեռ ունենք նման դատական համակարգ․ Սուրեն Պարսյան

Հայաստանում ներդրումներ չեն լինի, քանի դեռ ունենք նման դատական համակարգ․ Սուրեն Պարսյան

Օրերս մի ներդրողի հետ մտահոգիչ խոսակցություն ունեցա, որը, լսելով բարձրագույն դատական խորհրդի անդամների խոսակցության ձայնագրությունը, անժամկետ սառեցրեց իր ներդրումային ծրագրերը։ Այս մասին իր ֆեյսբուքյան էջում գրել է Սուրեն Պարսյանը;

«Ներդրումներ ներգրավելու համար շատ կարևոր է, որ տվյալ երկիրն ունենա արդար և անկախ դատական համակարգ, քանի որ ներդրողն իրենից անկախ կարող է ունենալ վեճեր պետության կամ այլ տնտեսվարողների հետ։ Հետևաբար, երկիրը ներդրումային տեսանկյունից գրավիչ կդառնա, եթե գործեն սեփականության իրավունքի պաշտպանության արդյունավետ մեխանիզմները։

Ցավոք, Հայաստանում մշտապես գործել է քաղաքականացված դատական համակարգ, որը հիմնականում սպասարկել է գործող իշխանություններին, կլաններին և օլիգարխներին։ Այս պայմաններում թռիչքաձև զարգացում և կյանքի որակի փոփոխություն ուղղակի հնարավոր չէ»։