կարևոր
490 դիտում, 1 շաբաթ առաջ - 2022-06-17 22:00

Պոլիկլինիկայի անձնակազմը գործադուլ է հայտարարել․ ՏԵՍԱՆՅՈՒԹ

Երեւանի «Կառլեն Եսայանի անվան պոլիկլինիկայի» պացիենտներից ահազանգ ստացանք, որ չեն կարողանում սպասարկվել. բուժանձնակազմը գործադուլ է հայտարարել: 
Տիկին Աննան ռենտգեն հետազոտության պատասխանը ձեռքին է դուրս եկել շենքից: Մյուս հետազոտությունները չի հասցրել անցնել. այդ պահին է բուժանձնակազմը քաղաքապետարանից ծանուցվել, որ 12 տարի պաշտոնավարող տնօրենն ազատված է աշխատանքից: 
Դեռ հունիսի 3-ին էր պոլիկլինիկայի տնօրեն Աննա Սիսոյանը տեղեկացրել անձնակազմին, որ իրեն այլ բուժհաստատությունում փոխտնօրենի պաշտոնն են առաջարկել: Միասին խորհրդակցել էին ու մերժել առաջարկը: Աձնակազմն էլ իր հերթին գրություններ էր ուղարկել պատկան մարմիններին: Պատկան մարմիններն ըստ բուժանձնակազմի՝ լռել են եւ միայն այսօր տեղեկացրել, որ Սիսոյանը պաշտոնից ազատված է դեռ հունիսի 2-ից՝ Երեւանի քաղաքապետի որոշմամբ: Աշխատակիցներին այս փաստն էլ է վրդովեցրել:  
Վերջին շրջանում շատ բուժհաստատություններում են կադրային փոփոխություններ արվում. տեղեկացնում է Երեւանի փոխքաղաքապետը: Սկզբունքն այն է, որ նույն մարդը նույն վայրում երկար չաշխատի. իր գիտելիքներն ու փորձն այլ տեղերում էլ պետք կգան: 
Պոլիկլինիկայի անձնակազմը մտահոգ է՝ գուցե նոր տնօրենը երիտասարդ, անփորձ մեկը լինի: Ոչ անփորձ է, ոչ էլ երիտասարդ, անցած ճանապարհ ունի, ի վերջո բժշկական գիտությունների դոկտոր-պրոֆեսոր է. ասում է փոխքաղաքապետ Սիմոնյանը, բայց անունը դեռ չի գաղտնազերծում: 

Մանրամասները ներկայացնում է Անահիտ Հովհաննիսյանը