կարևոր
544 դիտում, 2 շաբաթ առաջ - 2022-06-14 19:58

Բերձորի միջանցքի ճակատագիրը վտանգված է․ ՏԵՍԱՆՅՈՒԹ

Բերձորի միջանցքը Արցախը Հայաստանին կապող օղակն է, որը անվանվում է նաեւ կյանքի միջանցք: Բերձորի միջանցքը կորցնելու վտանգը բավականին լուրջ սպառնալիք է: Պատմական գիտությունների դոկտոր, պրոֆեսոր Էդիկ Մինասյանը կարեւորում է Արցախի ամբողջականության հարցը, քանի որ վիճարկվում է Բերձորի միջանցքի հարցը։ Պատմաբանը նկատում է, եթե վտանգվի Լաչինի միջանցքը կկտրվի Հայաստան- Արցախ կապը, ինչը կարող է ճակատագրական լինել ամբողջական պետության համար։ 
Էդիկ Մինասյանի խոսքով՝ Լաչինի միջանցքի ազատագրումը Շուշիի ազատագրումից հետո ամենակարեւոր գործողությունն էր: Նա նշում է ադրբեջանական զորքի առկայությունը սահմաններին վտանգում է սահմանազատման եւ սահմանագծման խնդիրը։ 
Պատմաբան Արմեն Կարապետյանի խոսքով՝ որեւէ իշխանություն չի կարող հանձնել Բերձորի միջանցքը: Նրա խոսքով՝ ժողովուրդը այդպիսի բան թույլ չի տա։ Արմեն Կարապետյանը անդրադարձավ նաեւ «Դիմադրություն» շարժման բարձրաձայնած խնդիրներին: Պատմաբանը գտնում է, որ շարժումը եւ արտաքին աշխարհին եւ իշխանությանը ուղղված մեսիջներ ունի։  
Նշենք, որ Ադրբեջանը Հայաստանից Արցախ այլընտրանքային ճանապարհ է կառուցում, որը շրջանցում է Բերձոր քաղաքն ու Աղավնո գյուղը: Բաքուն նախատեսում է, որ նոր ճանապարհով երթեւեկության սկսվելուց հետո երկու բնակավայրն էլ կանցնեն Ադրբեջանի վերահսկողության տակ: 

Մանրամասները ներկայացնում է Լուսին Ղազարյանը