կարևոր
916 դիտում, 2 շաբաթ առաջ - 2022-06-11 18:58

Կիրառված հատուկ միջոցները ժամկետանց են եղել․ Թագուհի Թովմասյան․ ՏԵՍԱՆՅՈՒԹ

Ոստիկանության գործունեությունը կարգավորվում է Հայաստանի Հանրապետության Սահմանադրությամբ: Ոստիկանության մասին օրենքում նշվում է, որ Ոոտիկանությունը պաշտպանում է մարդու կյանքն ու առողջությունը, ինչպես նաեւ այլ իրավունքներն ու ազատությունները: Կառավարական առանձնատան մոտ «Դիմադրություն» շարժման մասնակիցների հետ բախման ժամանակ ոստիկանական ուժերը հատուկ միջոցներ կիրառեցին՝ օգտագործվելով լուսաձայնային նռնակներ: Բազմաթիվ մարդիկ ծանր վնասվածքներով տեղափոխվեցին բժշկական հաստատություններ: Ոստիկանության անօրինական գործողությունները փաստաբան Սերգեյ Հարությունյանը բնութագրում է մեկ բառով՝ ահաբեկչություն։ 
Ոստիկանության հատուկ համազգեստը կրող անհայտ անձինք վնասել են անհնազանդության խաղաղ ակցիա կիրառող քաղաքացիներին: Համացանցում տարածվել են լուրեր, որ իշխանությանը հարող օլիգարխների թիկնապահները հատուկ հրահանգով համալրել են ոստիկանության շարքերը։ 
Փաստաբան Սերգեյ Հարությունյանը անդրադարձավ նաեւ Մարդու իրավունքների պաշտպան Քրիստինե Գրիգորյանի հայտարարությանը, որտեղ ասվել է ՝ ժամանակակից ոստիկանությունը պիտի կարողանա ամբոխի կառավարման ճիշտ տակտիկաներ բանեցնի։ 
Ազգային ժողովի «Պատիվ ունեմ» խմբակցության պատգամավոր Թագուհի Թովմասյանը նկատում է, որ տեղի է ունեցել խաղաղ անհնազանդության ակցիա եւ անհասկանալի է, թե ինչու է ոստիկանությունը որոշել ուժ կիրառել։ 
Պատգամավորը փաստում է ՝ ակցիային մասնակցել են քաղաքացիներ, որոնց հետ եղել են մանկահասակ երեխաներ: Հատուկ միջոցները կիրառվել են առանց նախազգուշացման: Թագուհի Թովմասյանը անդրադարձավ նաեւ հատուկ միջոցների կիրառման ձեւին եւ բովանդակությանը։  
Հիշեցնենք, որ անհնազանդության խաղաղ ակցիայի ժամանակ, Կառավարական առանձնատան մոտ ոստիկանությունը հատուկ միջոցներ է կիրառել, որի հետեւանքով տասնյակ քաղաքացիներ ծանր վնասվածքներ են ստացել: 

Մանրամասները՝ Լուսին Ղազարյանի տեսանյութում