Հայաստանն ու Ադրբեջանը ներկայումս առաջ շարժվելու հնարավորություն ունեն հարաբերությունների կարգավորման գործընթացում։ Այս մասին արտասահմանյան լրագրողների համար ճեպազրույցում ասել է ԱՄՆ պետքարտուղարի Եվրոպայի եւ Եվրասիայի հարցերով օգնական Կարեն Դոնֆրիդը։
«Կարծում եմ, որ ներկայումս Ադրբեջանի և Հայաստանի համար իրական հույս կա, հնարավորություն կա առաջ շարժվելու հարաբերությունների կարգավորման և խաղաղ կարգավորման որոնումներում», - ասել է նա։
Դոնֆրիդը հավելել է, որ երկու երկրներն էլ «կարևոր քայլեր են ձեռնարկել» այդ ուղղությամբ, և նշել, որ ԱՄՆ-ը խրախուսում է դրանք։