կարևոր
688 դիտում, 2 շաբաթ առաջ - 2022-06-08 17:28

Լավրովը ժամանեց Երևան․ նրան դիմավորել է Արարատ Միրզոյանը

Լավրովը ժամանեց Երևան․ նրան դիմավորել է Արարատ Միրզոյանը

ՌԴ արտգործնախարար Սերգեյ Լավրովը պաշտոնական այցով ժամանել է Երևան։ Նրան օդանավակայանում դիմավորել է ՀՀ արտաքին գործերի նախարար Արարատ Միրզոյանը։

Լավրովը Երևան է ժամանել Անկարայից, որտեղ առավոտյան հանդիպում է ունեցել Թուրքիայի արտաքին գործերի նախարարի հետ։

Նախատեսվում է, որ հունիսի 9-ին տեղի կունենան Արարատ Միրզոյանի և Սերգեյ Լավրովի բանակցությունները, բացի այդ՝ հանդիպումներ տեղի կունենան ՀՀ վարչապետ Նիկոլ Փաշինյանի ու ՀՀ նախագահ Վահագն Խաչատուրյանի հետ, իսկ հունիսի 1-ին նա կմասնակցի ՀԱՊԿ անդամ երկրների արտաքին գործերի նախարարների խորհրդի նիստին։