կարևոր
457 դիտում, 3 շաբաթ առաջ - 2022-06-08 00:35

Գերասիմ Վարդանյանը ենթարկվում է քաղաքական հետապնդման․ ՏԵՍԱՆՅՈՒԹ

Երեւան քաղաքի առաջին ատյանի ընդհանուր իրավասության դատարանի «Աջափնյակ-1» նստավայրում շարունակվել է ՀՅԴ անդամ Գերասիմ Վարդանյանի կալանքի ժամկետը երկարացնելու վերաբերյալ ՀՀ ԱԱԾ քննիչ Սուրեն Նավոյանի միջնորդության քննարկումը: Դատավորը գնացել է խորհրդակցական սենյակ: Գերասիմ Վարդանյանի շահերի պաշտպան Բենիկ Գալստյանը հայտարարում է՝ Գերասիմ Վարդանյանը քաղաքական բանտարկյալ է; 
Նախագահող դատավոր Արմեն Շիրոյանը այսօր ուշ երեկոյան կկայացնի որոշում: Փաստաբանը կասկածի տակ չի դնում դատավորի պրոֆեսիոնալիզմը, սակայն չի վստահում քաղաքական ղեկավարությանը: Փաստաբանի խոսքով՝ Գերասիմ Վարդանյանը հավատարիմ է իր սկզբունքներին։ 
Բենիկ Գալստյանը հավաստում է Գերասիմ Վարդանյանի ազատության մեջ գտնվելը չի բխում իշխանության շահերից, որովհետեւ նա ազատության մեջ լինելով կշարունակի մասնակցել քաղաքական պրոցեսների։ 
Հիշեցնենք, որ Գերասիմ Վարդանյանը մեղադրվում է 2020-ի նոյեմբերի 9-ին տեղի ունեցած իրադարձությունների առթիվ հարուցված քրեական գործի շրջանակում` զանգվածային անկարգություններ կազմակերպելու և լրագրողի աշխատանքը խոչընդոտելու համար: Նրան այս օրերին բողոքի ակցիաների ընթացքում են ձերբակալել, ապա ազատ արձակել։

Մանրամասները՝ Լուսին Ղազարյանի տեսանյութում