կարևոր
652 դիտում, 2 շաբաթ առաջ - 2022-06-07 16:16

Սևանա լճից ոռոգման նպատակներով սկսվել են ջրբացթողումները

Սևանա լճից ոռոգման նպատակներով սկսվել են ջրբացթողումները

2022 թվականի հունիսի 6-ի դրությամբ Սևանա լճից ոռոգման նպատակներով արդեն բաց է թողնվել 1 միլիոն 908 հազար խորանարդ մետր ջուր: 

Այս մասին հայտնում են ՀՀ ԱԻՆ «Հայհիդրոմետ» ծառայությունից և մանրամասնում, որ 2022 թվականի հունիսի 6-ի դրությամբ Սևանա լիճը գտնվել է 1900 մետր 73 սանտիմետր բարձրության վրա, ինչը 18 սանտիմետրով ցածր է նախորդ տարվա նույն օրվա նիշից: 

Այս տարվա հունվարից մինչեւ հունիսի 6-ն ընկած ժամանակահատվածում Արփա-Սեւան թունելային  ջրատարով Սեւանա լիճ է տեղափոխվել 124 միլիոն 874 հազար խորանարդ մետր ջուր: 
Սևան թափվող գետերում դիտվել է ջրի ելքերի մեծացում: