կարևոր
739 դիտում, 2 շաբաթ առաջ - 2022-06-07 12:07

Վայոց Ձորում ՊՆ «Կամազը» գլխիվայր է շրջվել, 11 զինծառայող հոսպիտալացվել է

Վայոց Ձորում ՊՆ «Կամազը» գլխիվայր է շրջվել, 11 զինծառայող հոսպիտալացվել է

Այսօր՝ հունիսի 7-ին, խոշոր ավտովթար է տեղի ունեցել Վայոց Ձորի մարզում։ Ժամը 10։40-ի սահմաններում Երևան-Մեղրի ավտոճանապարհի 127 կմ հատվածում ՀՀ պաշտպանության նախարարության հաշվեկշռում հաշվառված ՊՆ համարանիշներով Կամազ մակնիշի ավտոմեքենան դեռևս անհայտ հանգամանքներում գլխիվայր շրջվել է:

Ինչպես հայտնում է shamshyan.com-ը, վթարի հետևանքով 11 անձ, որոնք զինվորներ են, տարբեր աստիճանի մարմնական վնասվածքներով տեղափոխվել են հիվանդանոցներ․ զինվորների կյանքին վտանգ չի սպառնում։

Այս պահին տեղում աշխատում են ՀՀ ՊՆ Ռազմական ոստիկանության Վայոց Ձորի մարզի Ռազմական ոստիկանության ծառայողները։ Փաստի առթիվ նյութեր են նախապատրաստվում, որտեղ էլ պարզվելու է վարորդի և վիրավորների ինքնությունը։