կարևոր
541 դիտում, 3 շաբաթ առաջ - 2022-06-06 20:57

Ոստիկանները անօրինական գործողությունների են դիմում․ ՏԵՍԱՆՅՈՒԹ

Ոստիկանության օրինական պահանջ ձեւակերպումը ամրագրված է վարչական իրավախախտումների մասին օրենքում: «Իրավական ուղի» ՀԿ համահիմնադիր Ռուբեն Մելիքյանը անդրադառնում է օրենքին եւ նշում ՝ ոստիկանության իրավական պահանջի օրինականությունը վիճարկելի է։ 
Իրավապաշտպանի խոսքով վերջին օրերին 104 քննիչից բաղկացած խումբ է ձեւավորվել, ովքեր ուսումնասիրում են անհնազանդության ցույցերի ժամանակ բերման ենթարկված քաղաքացիների գործերը: Նա ընդգծում է՝ առերեւույթ կեղծ ցուցմունքի վրա ոստիկանությունը ցանկացել է կալանավորել ծեծի ենթարկված քաղաքացուն, սակայն տեսանյութերում այլ բան է առկա եղել։ 
Փաստաբան Արա Ղազարյանը նկատում է, որ Կառավարական առանձնատան մոտ տեղի ունեցածը հիշեցնում է 2008 թվականի դեպքերը: Կրկնվում է նախորդների պրակտիկան, ինչը Հայաստանում սկսել է գործել շուրջ 20 տարի։ 
Լուսաձայնային նռնակների կիրառումը պետք է կախված լինի իրավիճակից: Ոստիկանները պարտավոր են հետեւել օրենքին, բայց մենք այլ իրավիճակի ականատեսն ենք դարձել:
Փաստաբան Ալեքսանդր Կոչուբաեւը ընդգծում է ոստիկանության ծառայողները ոչ իրավաչափ են գործում։ Փաստաբանը անդրադառնում է նաեւ ոստիկանության հատուկ ստորաբաժանումների աշխատանքին: Նրա համար բացառապես անօրինական են կարմիր բերետավորների արարքները։ 
Հիշեցնենք, որ Պռոշյան-Դեմիրճյան խաչմերուկում բախումների հետեւանքով տուժել են թե քաղաքացիական անձինք, թե ոստիկանության ծառայողներ: Ոստիկանությունը կիրառել է հատուկ միջոց, ինչի հետեւանքով քաղաքացիները ծանր վնասվածքներ են ստացել։

Մանրամասները ներկայացնում է Լուսին Ղազարյանը