կարևոր
439 դիտում, 3 շաբաթ առաջ - 2022-06-06 12:40

Երևանի մետրոպոլիտենի տնօրեն է նշանակվել Սահակ Վարդանյանը

Երևանի մետրոպոլիտենի տնօրեն է նշանակվել Սահակ Վարդանյանը

«Կարեն Դեմիրճյանի անվան մետրոպոլիտեն» ՓԲԸ-ի տնօրեն է նշանակվել Սահակ Վարդանյանը: Այդ մասին հունիսի 6-ին հայտնել է Երևանի քաղաքապետ Հրաչյա Սարգսյանը՝ գործակարգավարական խորհրդակցության մեկնարկին։

2002-2009թթ․աշխատել է «ԻՄԷՔՍ ԳՐՈՒՊ» ընկերությունում՝ որպես գովազդի մասնագետ, ապրանքանիշի կառավարիչ այնուհետ անալիտիկ բաժնի պետ։ 2009-2013թթ․ աշխատել է «ԻՄԷՔՍ ԳՐՈՒՊ» ընկերությունում՝ որպես «Իդեալ համակարգ» խանութ-սրահների տնօրեն։

2013-2017թթ․ աշխատել է Մայր Աթոռ Սուրբ Էջմիածնում՝ որպես գործառնական տնօրեն։

2018- 2021թթ․ աշխատել է ՀՀ ԳԱԱ Ա․ Թախտաջյանի անվան բուսաբանության ինստիտուտ ՊՈԱԿ-ի փոխտնօրեն։

2021-2022թթ․ աշխատել է «Բարսիս» ՍՊԸ-ում՝ որպես կոմերցիոն փոխտնօրեն։