կարևոր
553 դիտում, 3 շաբաթ առաջ - 2022-06-02 13:57

ՄԱԿ-ը հավանություն է տվել Թուրքիայի անվան փոփոխությանը

ՄԱԿ-ը հավանություն է տվել Թուրքիայի անվան փոփոխությանը

ՄԱԿ-ը հավանություն է տվել բոլոր պաշտոնական փաստաթղթերում Թուրքիայի անվան փոփոխությանը։ Այդ մասին հայտնել է ՄԱԿ գլխավոր քարտուղարի պաշտոնական ներկայացուցիչ Ստեֆան Դյուժարիկը։

Վերռջինս հայտարարել է, որ Republic of Turkey-ն (Թուրքական Հանրապետություն) վերանվանվում է Republic of Türkiye, գրում է ՌԻԱ Նովոստին։

Նա հավելել է, որ փոփոխությունն ուժի մեջ է մտել Թուրքիայի իշխանությունների դիմելուց անմիջապես հետո։

Երկրի կրճատ անվանումն այսուհետ կլինի Türkiye, ոչ թե Turkey, իսկ այբբենական կարգը չի փոխվի։

Ինչպե պարզաբանել է Թուրքիայի ԱԳ նախարար Մևլութ Չավուշօղլուն, Թուրքիայի վերանվանումը պայմանավորված է «միջազգային ասպարեզում Թուրքիայի իմիջի բարելավմանն ուղղված» Անկարայի քայլերի հետ։

Ավելի վաղ հայտնել էինք, որ Թուրքիան դիմելու է ՄԱԿ-ին երկրի անվանումը փոխելու հարցով։