կարևոր
571 դիտում, 4 շաբաթ առաջ - 2022-05-31 21:21

25 գբ/վ արագությամբ NGN ցանցի կառուցում Հայաստանի գյուղերում և քաղաքներում․ ՏԵՍԱՆՅՈՒԹ

Գերարագ ինտերնետի հասանելիությունը բարելավելու եւ Հայաստանում հզոր թվային տնտեսությանն աջակցելու նպատակով Team Telecom Armenia-ն ֆինանսական կառույցներից, ինչպես նաեւ Ամերիաբանկից ներգրավել է 45 մլն դոլարի ֆինանսավորում: Team Telecom Armenia-ն այս ֆինանսավորումն ուղղելու է տարածաշրջանում եզակի 25 Գբ/վ արագությամբ NGN ցանցի կառուցմանը Հայաստանի քաղաքներում եւ գյուղերում:  
Ֆինանսական փաթեթը կօգնի ընկերությանը բարելավել իր հեռահաղորդակցության ցանցերի ծածկույթը եւ սպասարկման որակը, ներառյալ 4G բջջային ցանցի ընդլայնումը եւ NGN օպտիկամանրաթելային ցանցի գործարկումը երկրի ողջ տարածքում: Նախագծի արդյունքում ավելի արագ եւ որակյալ ինտերնետից կօգտվի նվազագույնը 1,1 մլն բջջային համակարգի բաժանորդ, իսկ ավելի քան 450 հազար տնային տնտեսություն կապահովվի արագ օպտիկամանրաթելային ինտերնետի հասանելիությամբ: 
Ակնկալվում է, որ 25G-PON ցանցի գործարկումը նվազեցնելու է նաեւ էներգիայի սպառումը` թույլ տալով իր բաժանորդներին օգտվել գերարագ ինտերնետից ավելի էներգաարդյունավետ հեռահաղորդակցության ենթակառուցվածքի միջոցով: 

Մանրամասները ներկայացնում է Ալիսա Մելքոնյանը