կարևոր
649 դիտում, 4 շաբաթ առաջ - 2022-05-27 11:30

Հայաստանում կան ԱՄՆ-ի կողմից ֆինանսավորվող կենսաբանական լաբորատորիաներ. Լավրով

Հայաստանում կան ԱՄՆ-ի կողմից ֆինանսավորվող կենսաբանական լաբորատորիաներ. Լավրով

ՌԴ ԱԳ նախարար Սերգեյ Լավրովն ասել է, որ ԱՄՆ-ի կողմից ֆինանսավորվող կենսաբանական լաբորատորիաներ կան Հայաստանում և Կենտրոնական Ասիայում, գրում է ՏԱՍՍ-ը:

«Նման լաբորատորիաներ կան Հայաստանում, Ղազախստանում, Կենտրոնական Ասիայի երկրներում։ Մենք այս երկրների հետ այդ խնդիրները քննարկում ենք երկկողմ հիմունքներով և ՀԱՊԿ-ի միջոցով»,- ասել է Լավրովը։

ՌԴ ԱԳ նախարարն ասել է, որ Ռուսաստանը կենսաբանական անվտանգության ոլորտում համագործակցության հուշագրեր է կնքել կամ նախատեսում է կնքել ԱՊՀ գրեթե բոլոր երկրների հետ։ Փաստաթղթերը ներառում են փոխադարձ տեղեկացում այն մասին, թե ինչպես են զարգանում կենսաբանական ծրագրերը յուրաքանչյուր երկրում։