կարևոր
1357 դիտում, 6 ամիս առաջ - 2022-05-21 20:22

«Ֆրանսիան մեր բարեկամն է»․ ՏԵՍԱՆՅՈՒԹ

Նոյեմբերյան համայնքի Ազատության հրապարակը մայիսի 20-ին երեկոյան սովորականից ավելի մարդաշատ էր: Ապրելու հիմնադրամի նախաձեռնությամբ Նոյեմբերյանում շրջանավարտների համար կազմակերպվել էր «Ֆրանսիան մեր բարեկամն է» խորագրով բացօթյա համերգը: 
Համերգը նվիրված էր հայազգի կոմպոզիտորներ Միշել Լեգրանի եւ Ժորժ Կառվերանցի 90-ամյակին: Երեկոյի ընթացքում հնչել են մեծանուն կոմպոզիտորների գործերը, եւ Շառլ Ազնավուրի կատարումները: Համերգին ներկա էին նաեւ «Ապրելու երկիր» կուսակցության հիմնադիրներ Մանե Թանդիլյանը եւ Մեսրոպ Առաքելյանը: 
Նման միջոցառումները ամրապնդում են միջհամայնքային կապը: Համերգին մասնակցում էին 19 գյուղերի շրջանավարտներ, ի դեպ Բարեկամավան գյուղն ունի ընդամենը մեկ շրջանավարտ: 
Բացօթյա համերգի ողջ ընթացքում բեմի վրա ստեղծագործում էր գեղանկարիչ Նարեկ Տերյանը, ով հենց Նոյեմբերյան համայնքի Կողբ գյուղից է: Նկարչությամբ զբաղվել է դեռ 4 տարեկանից, իսկ չքնաղ Տավուշի բնությունը նկարչին տեղափոխում է մանկության քաղցր հուշեր: 
Նախաձեռնության կազմակերպիչների խոսքով պետք է կանգնել սահմանապահ բնակավայրերի բնակիչների կողքին եւ ամեն ինչ անել զարգացնելու համար սահմանամերձ գյուղերը: 

Մանրամասները ներկայացնում է Զարուհի Սահակյանը