կարևոր
685 դիտում, 1 ամիս առաջ - 2022-05-20 21:22

Թուրքիան տալիս է «Խաղաղության օրակարգին խանգարողների» անունը․ ՏԵՍԱՆՅՈՒԹ

Մեւլութ Չավուշօղլուն ՄԱԿ-ի կենտրոնակայանում նախ հաճոյանում է ադրբեջանցի լրագրողներին, հետո հայտարարում, թե Երեւանը պետք է դրական արձագանքի Բաքվի, այսպես կոչված, խաղաղ նախաձեռնություններին: 
Սակայն Չավուշօղլուի կարծիքով՝ թուրք-ադրբեջանական տանդեմի առաջարկած չակերտավոր խաղաղությանը խանգարողներ կան: Եվ թուրք նախարարը ասում է, թե ովքեր. մեղավորները, ըստ Չավուշօղլուի, Նիկոլ Փաշինյանի հրաժարականը պահանջող ընդդիմադիրներն են եւ հայկական սփյուռքը: 
Չավուշօղլուն եզրափակում է՝ Միացյալ Նահանգների պետքարտուղար Բլինքնենի հետ հանդիպմանը եւս մեկ անգամ հայտարարել է, թե Թուրքիան ու Ադրբեջանը խաղաղություն են ցանկանում եւ բարի կամք դրսեւորում՝ հանուն տարածաշրջանում կայունության ապահովման: Այն Ադրբեջանը, որի նախագահը չի թաքցնում Հայաստանի հանդեպ իր տարածքային նկրտումները եւ հայերին շարունակում է անվանել զզվելի թշնամի, եւ այն Թուրքիան, որի խաղաղասերի դիմակով արտգործնախարարը հայերին ցույց է տալիս թուրքական ազգայնական «Գորշ գայլեր» կազմակերպության ժեստը՝ հասկացնելով, որ Թուրքիան չի պատրաստվում հրաժարվել հայատյացության քաղաքականությունից:

Մանրամասները՝ Մարինե Մելիքսեթյանի տեսանյութում