կարևոր
619 դիտում, 1 ամիս առաջ - 2022-05-20 21:03

Գետափում դարձյալ բնակարանամուտ է նշվել․ ՏԵՍԱՆՅՈՒԹ

Հովսեփյանների բնակարանամուտի հերթական շնորհավորանքն է՝ այս անգամ Վիվա-ՄՏՍ-ի եւ Ֆուլեր տնաշինական կենտրոնի ղեկավարների կողմից: Գործընկեր կառույցների օգնությամբ երիտասարդ ընտանիքը 5 ամսվա ընթացքում կառուցել է տան միջնապատերը, տանիքը, ավելացրել ննջասենյակների թիվն ու հիմնանորոգել հատակը: Բնակարանամուտից հետո Հովսեփյանների ե՛ւ որդին, ե՛ւ դուստրը նշանադրվել են: Նորոգված տանը նաեւ ապագա թոռնիկների համար են սենյակ առանձնացրել: Տանտիրուհին նախկին ու ներկայիս պայմաններն անհամեմեատելի է համարում: 
Վիվա ՄՏՍ-ի եւ Ֆուլեր տնաշինական կենտրոնի համագործակցության արդյունքում, բոլոր առումներով բարդ տարիներ հաղթահարած ընտանիքներն սկսել են աստիճանաբար վերադառնալ կյանքի բնականոն հուն: Բնակարանշինության տասնամյա ծրագրի դրական ազդեցությունն զգացել են Հայաստանի բոլոր մարզերում ապրող մարդիկ: 
Վիվա-ՄՏՍ-ի եւ Ֆուլեր տնաշինական կենտրոնի տասնամյա համագործակցության արդյունքում, միայն Վանաձորում բնակարանաշինության ծրագրից օգտվել է 44 ընտանիք: Գործընկեր կառույցերի ղեկավարները կարեւոր են համարում ծրագրի ոչ միայն տեսանելի, այլեւ արդեն 400 ընտանիքի վրա՝ դրա հոգեբանական ազդեցության արդյունքը: Այս տարիների ընթացքում, հանրապետության բոլոր մարզերում ավարտին է հասցվել բազմաթիվ կիսակառույցների շինարարություն: 

Մանրամասները՝ Ալիսա Մելքոնյանի տեսանյութում